​Azərbaycan Beynəlxalq Bankı İdarə Heyətinin səlahiyyətləri uzadılıb

Bakı. 3 iyul. REPORT.AZ/ Bu gün Azərbaycan Beynəlxalq Bankı (ABB) Müşahidə Şurasının növbəti iclası keçirilib. Bu barədə "Report"a Bankın baş ofisindən məlumat verilib.

İclasda müzakirə olunan məsələlər arasında ən vacibi ABB-nin İdarə Heyətinin səlahiyyətlərinin bu ilin iyulun 22-dək uzadılması ilə bağlı qəbul edilən qərar olub.

Qeyd edək ki, məhz bu ayın sonunda Bankın səmdarlarının ümumi yığıncağının keçirilməsi gözlənilir.