Yuxarı

Azərbaycan banklarının xarici öhdəlikləri bir ayda 13% artıb

Artım əsasən manatın ucuzlaşması ilə əlaqələndirilir

Bakı. 11 yanvar. REPORT.AZ/ Azərbaycanda fəaliyyət göstərən kommersiya banklarının xarici öhdəliklərinin ümumi həcmi 2016-cı il dekabrın 1-nə 7 039,1 mln. manat təşkil edib. 

"Report" Azərbaycan Mərkəzi Bankına (AMB) istinadən xəbər verir ki, bu, noyabrın 1-nə olan göstərici ilə müqayisədə 810,1 mln. manat və ya 13% çoxdur. 

Ötən ilin əvvəlinə olan göstərici ilə müqayisədə kommersiya banklarının xarici öhdəlikləri 1 165,4 mln. manat və ya 14,2% azalıb. Əvvəlki ilin analoji dövrü ilə müqayisədə isə 972 mln. manat və ya 16% artım qeydə alınıb. 

"Report"un analitik qrupu hesab edir ki, kommersiya banklarının xarici öhdəliklərinin noyabr ayında artım göstərməsi əsasən manatın məzənnəsinin azalması ilə bağlıdır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi