Yuxarı

Azərbaycan bankları mənfəət vergisindən azad edə bilər

Vergilər naziri Fazil Məmmədov: Bu təklifə hökumətdə baxıla bilər

Bakı. 10 may. REPORT.AZ/ Azərbaycanda fəaliyyət göstərən bank təşkilatları mənfəət vergisindən azad edilə bilər. "Report" xəbər verir ki, bunu jurnalistlərə açıqlamasında vergilər naziri Fazil Məmmədov bildirib: "Banklar belə bir məsələ qaldırıb. Bu təklifə hökumətdə baxıla bilər".

F.Məmmədov vergidən yayınma hallarına da toxunaraq qeyd edib ki, bir çox sahələrdə, xüsusən də iri market şəbəkələri vergidən yayınır. Nazir hər hansı vergi güzəştlərinin tətbiq olunmasının gözlənilmədiyini bildirib.

F.Məmmmədov kənd təsərrüfatı məhsulları istehsalçılarının vergidən tam azad olduğunu da xatırladıb: "Bu məhsulların 98%-i bazarlarda satılır. Onlardan nə sadələşdirilmiş vergi, nə də ƏDV alınır. Bundan başqa, ödənişlərin elektron sistemə keçirilməsi üçün artıq işlərə başlanılıb".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi