Yuxarı
    Bağlamaq

    Azərbaycan bankları bu ilin I rübünü 123 mln. manat xalis mənfəətlə başa vurub

    Bankların aktivləri yanvar-mart aylarında 5%-ə yaxın azalıb

    Bakı. 5 may. REPORT.AZ/ Azərbaycan bank sektorunun aktivləri bu il aprelin 1-nə 29 980,1 mln. manat təşkil edib ki, bu da ilin əvvəli ilə müqayisədə 4,6% azdır.

    Bu barədə “Report” Maliyyə Bazarlarına Nəzarət Palatasına istinadən xəbər verir.

    Bankların aktivlərinin 50,2%-ni və yaxud 15 053,1 mln. manatını müştərilərə verilmiş kreditlər təşkil edib. Bu ilin I rübündə bankların kredit portfeli 5,5% kiçilib.

    3 ay ərzində bankların cəmi öhdəlikləri 7,8% azalaraq 27 219,9 mln. manat, o cümlədən depozit portfeli 3,4% azalaraq 15 844,7 mln. manat olub. Bunun 6 889,2 mln. manatını fiziki şəxslərin depozitləri, 8955,5 mln. manatını isə hüquqi şəxslərin depozitləri təşkil edib. İlin əvvəlindən əhalinin əmanətləri 7,3%, şirkətlərin vəsaitləri isə 0,25% azalıb.

    Yanvar-mart aylarında bankların Azərbaycan Mərkəzi Bankı qarşısında öhdəliyi isə 49,4% azalaraq 857,4 mln. manata düşüb.

    Hesabat dövründə kredit təşkilatlatının balans kapitalı 44,6% artaraq 2 760,2 mln. manata çatıb.

    I rübdə bankların faiz gəlirləri 512,9 mln. manat, faiz xərcləri 253,7 mln. manat, qeyri-faiz gəlirləri 272 mln. manat, qeyri-faiz xərcləri 221 mln. manat təşkil edib. Son nəticədə bank sektorunun xalis əməliyyat mənfəəti 310,2 mln. manat olub.

    Banklar aktivlər üzrə mümkün zərərlərin ödənilməsi üçün xüsusi ehtiyatların yaradılmasına 180,7 mln. manat yönəldib, digər mənbələrdən 2,7 mln. manat gəlir əldə edib, 8,7 mln. manat isə mənfəət vergisi ödəyib. Bununla da Azərbaycanın bank sektoru ilin ilk 3 ayını 123,4 mln. manat xalis mənfəətlə başa vurub. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi