Yuxarı

Azərbaycan bank sektorunun restruktizasiyası sürətləndiriləcək

Ortamüddətli dövrdə dövlət idarəetmə strukturunun yığcamlaşdırılması planlaşdırılır

Bakı. 29 sentyabr. REPORT.AZ/ Maliyyə-valyuta bazarlarında mövcud gərginlik fonunda sağlam və dayanıqlı maliyyə vasitəçiliyinin bərpa olunması məqsədilə bank restruktizasiyasının sürətləndirilməsi məsələsi aktuallaşıb.

"Report"un verdiyi xəbərə görə, bu barədə 2017-ci ilin dövlət və icmal büdcələrinin layihələrində qeyd olunub.

Həmçinin, ölkə iqtisadiyyatı qarşısında aktuallaşan digər çağırış isə dövlət borcunun məqbul həddə və effektiv idarə olunması, bu məqsədlə strateji layihələr və yenidən maliyyəşdirmə ilə bağlı borclanma istisna olmaqla, dövlət borcunun sərt limitləşdirilməsidir. Bununla yanaşı, dövlət zəmanəti ilə borc götürmüş iri dövlət müəssisələrinin borc portfelinin təhlil olunması və bununla əlaqədar hökumətin üzərinə düşə biləcək maliyyə yükünün müəyyən olunması aktuallaşıb.

Layihədə qeyd olunub ki, ortamüddətli dövrdə dövlət idarəetmə strukturunun yığcamlaşdırılması qarşıda duran mühüm vəzifələrdəndir. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi