"Azər-Türk Bank" istirahət günləri müştərilərə xidmət göstərəcək

Bakı. 23 iyun. REPORT.AZ/ "Azər-Türk Bank" ASC-nin 28 May küçəsi, 64/75 ünvanda yerləşən “Bakı” filialı istirahət günləri olan 24-25 iyun tarixlərində də müştərilərə tam iş günü ərzində xidmət göstərəcək.

"Report" bu barədə Banka istinadən xəbər verir. 

Bu addım Bakı şəhərində keçiriləcək "Formula-1" Azərbaycan Qran Pri yarışları ilə bağlı ölkəyə gələn turistlərə, yarış iştirakçılarına yüksək səviyyədə bank xidmətlərinin göstərilməsi məqsədini daşıyır.