Azad Cavadov: "Texnikabank" və "Bank of Azerbaijan"da vəziyyət acınacaqlıdır"

Bakı. 4 oktyabr. REPORT.AZ/ Ləğvetmə prosesində olan “Texnikabank” və “Bank of Azerbaijan” ASC-lərin qorunmayan əmanətçilərinə kompensasiya ödəmək çətin olacaq.

“Report” xəbər verir ki, bu barədə keçirdiyi mətbuat konfrasında bankların ləğvedicisi olan Azərbaycan Əmanətlərin Sığortalanması Fondunun icraçı direktoru Azad Cavadov bildirib.

O, bunu həmin bankların aktivləri ilə bağlı vəziyyətin acınacaqlı olması ilə izah edib.

Bununla yanaşı, A.Cavadov qeyd edib ki, bəzi bağlanmış bankların, məsələn, “Parabank”, “Dekabank” və “Qafqaz İnkişaf Bankı” ASC-lərin qorunmayan əmanətçilərinin pulunu 100% qaytarmaq mümkün olacaq.