Yuxarı

​Azad Cavadov: "Bağlanmış banklar qorunmayan əmanətləri özləri qaytara biləcək"

Onun sözlərinə görə, bağlanmış bankların həmin vəsaiti sahiblərinə qaytarmaq üçün kifayət qədər imkanları var

Bakı. 29 iyul. REPORT.AZ/ Maliyyə Bazarlarına Nəzarət Palatasının lisenziyasını ləğv etdiyi 4 kommersiya bankı – “Parabank”, “Zaminbank”, “Kredobank” və “Dekabank” ASC-lərdə 40 mln. manata yaxın qorunmayan əmanət var. “Report” xəbər verir ki, bunu keçirdiyi mətbuat konfransında Əmanətlərin Sığortalanması Fondunun icraçı direktoru Azad Cavadov deyib.

Onun sözlərinə görə, bağlanmış bankların həmin vəsaiti sahiblərinə qaytarmaq üçün kifayət qədər imkanları var.

A.Cavadov adı çəkilən bankların ümumi öhdəliklərinin məbləği ilə bağlı suala isə belə cavab verib: “Bu rəqəm ləğvedici kimi bizə hələ ki, dəqiq məlum deyil. Məhkəmə qərarı əsasında bankların xaricdən cəlb etdiyi vəsaitlər də daxil olmaqla ümumi öhdəlikləri tezliklə məlum olacaq”.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi