Yuxarı

​Azərbaycanda pul bazası 11% artıb

Pul bazasının həcmi 11,7 mlrd. manata bərabərdir

Bakı. 04 sentyabr. REPORT.AZ/ Azərbaycanda pul bazası son bir ildə 1,127 mlrd. manat və ya 10,6% artaraq 2014-cü ilin sentyabrın 1-nə 11,744 mlrd. manata çatıb. Report-un xəbər verdiyi kimi, bu barədə Azərbaycan Mərkəzi Bankının hesabatında deyilir.

Eyni zamanda pul bazası bu ilin əvvəlindən 102 mln. manat və ya 0,9%, avqust ayında 7 mln. manat və ya 0,06% artıb.

Qeyd edək ki, pul bazasına Mərkəzi Bank tərəfindən buraxılan nağd pullar və kommersiya banklar tərəfindən AMB-də saxlanılan məcburi ehtiyatlar daxildir. Adətən pul bazasının artımı inflyasiyaya səbəb olur, lakin aydındır ki, bu, artımda nağd pulların rolu aparıcı olanda baş verə bilər. Müqayisə göstərir ki, iyulun 1-nə olan statistikaya əsasən, pul bazasının artımı 1,220 mlrd. manat, nağd pulların artımı 1,109 mlrd. manat təşkil edib. Beləliklə, artımın 91%-i nağd pulların payına düşür ki, bu da makroiqtisadi əsaslara uyğun olaraq inflyasiyanın artımına təsir etməlidir. Lakin ümumilikdə, Azərbaycanda pul kütləsinin, o cümlədən nağd pulların iqtisadiyyatın həcminə nisbəti geniş olmadığından, həmin artım inflyasiyaya nəzərə çarpan dərəcədə təsiri baş verimir. Qeyd edək ki, Azərbaycanda iqtisadiyyatın monetləşmə səviyyəsi cəmi 28,9% təşkil edir. Bu səbəbdən də ölkədə inflyasiyanın yaranmasında monetar amillərin rolu çox kiçikdir. Ümumilikdə isə pul bazasının idarə edilməsi Mərkəzi Bankın inflyasiyanın monetar amillərinin zəifləndirilməsi üçün əsas alətlərindən biridir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi