Yuxarı
    Bağlamaq

    Azərbaycanda bankomatlar pul xırdalayacaq

    “Unibank”ın bankomatları yeni sistemə uyğunlaşdırılıb

    Bakı. 5 sentyabr. REPORT.AZ/ “Unibank”ın bankomatları yeni sistemə uyğunlaşdırılıb.

    Bu barədə “Report”a qurumun mərkəzi ofisindən məlumat verilib. Məlumata görə artıq bankın müştəriləri bankomatlardan istədiyi məbləği, müxtəlif əsginazlarda çıxara bilər. Belə ki, müştəri kartı bankomata daxil edib, lazım olan məbləği sifariş edən zaman, bankomatın lövhəsində ondan məbləği yalnız iri əsginazlarda, yoxsa qarışıq əsginazlar formasında istədiyi soruşulur. Bundan sonra isə müştərinin seçimindən asılı olaraq, “Unibank” bankomatlarından sorğu edilən məbləğ, mümkün böyük nominallardan olmaqla, minimal sayda əsginazlardan, yaxud qarışıq nominallardan ibarət əsginazlarla çıxır.

    “Unibank”dan verilən məlumata görə bundan sonra müştərilərin nə pulu xırdalamağa, nə də bütövləşdirməyə ehtiyacı olmayacaq.

    Xatırladaq ki, hazırda paytaxt və ölkənin bir çox regionlarında “Unibank”ın 80-ə yaxın bankomatı var. Bundan əlavə bank müştərilərinə “Cash by code” və başqa xidmətləri də göstərir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi