Yuxarı
    Bağlamaq

    ​Azərbaycan bank əmanətləri 15% artıb

    Lakin ötən illə müqayisədə artım tempi azalıb

    Bakı. 1 sentyabr. REPORT.AZ/. Azərbaycanda fəaliyyət göstərən kommersiya banklarında yerləşdirilən əhalinin əmanətlərinin həcmi 2014-cü ilin avqustun 1-nə 6,940 mlrd. manat təşkil edib. Azərbaycan Mərkəzi Bankının hesabatına görə, bu illik müqayisədə 921 mln. manat və ya 15,3% çoxdur.

    Eyni zamanda bu ilin əvvəlindən bank əmanətlərinin həcmi 544 mln. manat və ya 8,5%, iyul ayında isə 219 mln. manat və ya 3,3% artıb.

    Qeyd edək ki, bütün ötən il ərzində bank əmanətlərin həcmi 1,283 mlrd. manat və ya 25,1% artıb. Göründüyü kimi, əmanətlərin artım tempi müəyyən dərəcədə azalıb. Təqvim amili nəzərə alanda isə bu azalma daha güclü görünür. Belə ki, ötən ilin avqustun 1-nə olan gösrtərici illik müqayisədə 1,604 mlrd. manat və ya 36,3% artıb. Əmanətlərin artım tempinin azalması əhalinin yığım qabiliyyətinin azalması kimi qiymətləndirmək olar. Belə ki, rəsmi statistikaya əsasən, bu ilin yanvar-iyul ayları üzrə əhalinin nominal gəlirləri illik müqayisədə cəmi 4,7% artıb, əsas istehlak xərcləri isə (malları alınması və xidmətlərin ödənilməsi üzrə) təxminən 8% artıb.  

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi