Yuxarı
    Bağlamaq

    ​AYİB "DəmirBank"a 42 mln. dollar verdi

    Bu vəsaitin 13 milyon ABŞ dolları AYİB tərəfindən ayrılıb, 29 milyon ABŞ dolları isə digər Banklardan sindikatlaşdırılıb

    Bakı. 1 sentyabr. REPORT.AZ/ Avropa Yenidənqurma və İnkişaf Bankı (AYİB) özəl sektorun inkişafına dəstək vermək məqsədilə Azərbaycanın aparıcı özəl banklarından olan "DəmirBank"-a 42 milyon ABŞ dolları həcmində sindikatlaşdırılmış kredit təşkil edib.

    “DəmirBank”ın Mərkəzi ofisindən “Report”a verilən məlumata görə bu vəsaitin 13 milyon ABŞ dolları AYİB tərəfindən ayrılıb, 29 milyon ABŞ dolları isə digər Banklardan sindikatlaşdırılıb.

    Bank rəsmiləri hesab edir ki, ayırlmış vəsait "DəmirBank"ın orta və kiçik sahibkarlarlığın maliyyələşdirilməsi imkanlarını daha da genişləndirəcək. Sindikatlaşdırılmış vəsaitlərin bir hissəsi üzrə müddət 5 il müəyyən olunub ki, bu özəl Azərbaycan bankına bu günədək ayrılmış ən uzun müddətli investisiyadır.

    AYİB-in Bakı ofisinin rəhbəri Nil MakKeyn "DəmirBank"a ayrılan iki böyük həcmli kreditlə birlikdə AYİB-in bu il ərzində Azərbaycana yatırdığı sərmayələrin ümumi həcminin 255 milyon ABŞ dollarına çatdığını açıqlayıb. Onun sözlərinə görə bu məbləğ 2013-cü il ərzində yatırılan toplam sərmayələrin həcmindən daha çoxdur.

    "DəmirBank"dan isə bildirilib ki, sindikatlaşdırılmış kredit əldə etmək imkanı "DəmirBank"ın maliyyə mənbələrinin genişləndirilməsinə çox böyük kömək edir və KOM-ları uzunmüddətli və ucuz maliyyələşmə imkanı ilə təmin edir və bütün bunlar "DəmirBank"-a tərəfdaşlarının etimadının daha da artmasına öz töhfəsini verir.

    Xatırladaq ki, ölkənin ilk kommersiya banklarından olan "DəmirBank" 1989-cu ildə fəaliyyətə başlayıb. Bankın səhmdarları sırasına beynəlxalq maliyyə təşkilatları olan Avropa Yenidənqurma və İnkişaf Bankı və Hollandiya İnkişaf Maliyyə Şirkəti (FMO) daxildir. "DəmirBank" Fitch Ratings agentliyinin “stabil” proqnozlu “B” və Planet Rating agentliyinin “pozitiv” proqnozlu “B” reytinqlərinə malikdir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi