Bakı. 5 iyun. REPORT.AZ/ Cari ilin may ayı ərzində “Avtonəqliyyat vasitəsi sahiblərinin mülki məsuliyyətinin icbari sığortası” (AVSMMİS) üzrə İcbari Sığorta Bürosunun (İSB) iştirakçıları olan sığorta şirkətləri tərəfindən 1 321 sığorta tələbi üzrə 1 570,7 min manat məbləğində sığorta ödənişi həyata keçirilib.
"Report"un İSB-yə istinadən verdiyi xəbərə görə, bunun 1 391,8 min manatını nəqliyyat vasitələrinə, 45,1 min manatı əmlaka, 43,8 min manatı sağlamlığa dəyən zərər üzrə, 90 min manatı şəxsin ölümü üzrə ödənişlərin payına düşüb.
Hesabata əsasən, ümumilikdə cari ilin yanvar-may ayları ərzində AVSMMİS üzrə sığorta şirkətləri tərəfindən 8 114 sığorta tələbi üzrə 9 667,8 min manat məbləğində sığorta ödənişi edilib.
May ayında İSB tərəfindən 11 kompensasiya tələbi üzrə 37,3 min manat, yanvar-may ayları ərzində 28 kompensasiya tələbi üzrə 110,3 min manat məbləğində ödəniş həyata keçirilib.