Avstraliya Mərkəzi Bankı uçot dərəcəsini sabit saxlayıb

Bakı. 4 dekabr. REPORT.AZ/ Avstaliya Mərkəzi Bankının bu gün keçirilmiş növbəti iclasında uçot dərəcəsinin sabit - 1,5% saxlanılmasına qərar verilib. 

“Report” bu barədə xarici mətbuata istinadən xəbər verir.

Xatırladaq ki, indiki faiz dərəcəsi 2016-cı ilin avqust ayından qüvvədədir. 

Qeyd edək ki, “Bloomberg” agentliyinin faizlərlə bağlı sorğusunda iştirak edən 30 ekspertin heç biri dəyişiklik gözləmirdi. 

Tənzimləyici qurumun iclasında həmçinin ölkənin daşınmaz əmlak bazarındakı ucuzlaşmanın ölkə iqtisadiyyatına təsiri qiymətləndirilib. Xatırladaq ki, bu ilin noyabr ayında Avstraliyanın əmlak qiymətləri 2008-2009-cu illərdəki qlobal iqtisadi böhrandan sonra ən yüksək azalma nümayiş etdirib. Bu vəziyyət ölkədə ipoteka kreditlərinin məhdudlaşdırılması və alıcıların ucuzlaşmanı nəzərə alaraq gözləmə mövqeyinə keçdiyini göstərir.