Avrozonada son 10 ilin ən yüksək iqtisadi artımı qeydə alınıb

Bakı. 7 mart. REPORT.AZ/ Avrozona ölkələrinin iqtisadiyyatı 2017-ci ilin IV rübündə 0,6%, il ərzində isə 2,7% böyüyərək son 10 ilin ən yüksək iqtisadi artımına nail olub. 

"Report" "Bloomberg" agentliyinə istinadən xəbər verir ki, inkişaf göstəriciləri analitiklərin proqnozları ilə üst-üstə düşüb.

İqtisadi artıma səbəb kimi hesabat dövründə ixracın və investisiyaların artması göstərilir. Bununla belə, ABŞ-ın "proteksionist" qərarları iqtisadi inkişafın yavaşlaya biləcəyini ehtimal etməyə əsas verir.