Avronun dollara qarşı məzənnəsi 1,13 həddini keçib

Bakı. 12 fevral. REPORT.AZ/ Fevralın 11-də Amerika fond bazarında Dow Jones indeksində 0,04% azalma müşahidə edilib və 17 862,14 bənd təşkil edib. S&P 500 0,003% azalaraq 2 068,53 bənd, Nasdaq isə 0,28% artaraq 4 801,18 bənd olub.

"Report" xəbər verir ki, Avropa fond bazarında FTSE 100 indeksi 0,16% azalaraq 6 818,17 bəndə, Almaniya DAX-ı 0,02% ucuzlaşaraq 10 752,11 bəndə, Fransa CAC-40-ı isə 0,35% azalaraq 4 679,38 bəndə düşüb.

Bu gün səhərə COMEX-də qızılın bir unsiyasının qiyməti 1,35% ucuzlaşaraq 1 220,80 dollar olub. Dünya bazarında avronun dollara qarşı məzənnəsi isə 1,1314(+0,2%) təşkil edib.