Yuxarı
    Bağlamaq

    ​"Atrabank" qeyri-bank kredit təşkilatına çevrilmək istəmir

    Bunu bank rəsmiləri bildiriblər

    Bakı. 16 avqust. REPORT.AZ/ Məhkəmə yolu ilə lisenziyasını bərpa edə bilməyən "Atrabank" ASC-nin bank olmayan kredit təşkilatı (BOKT) kimi maliyyə bazarında fəaliyyətini davam etdirmək planı yoxdur. Bunu "Report"a Bankdan deyiblər.

    Xatırladaq ki, "Atrabank" lisenziyası ləğv edilmiş "Qafqaz İnkişaf Bankı" ASC ilə birlikdə məhkəmə yolu ilə birləşməyə, bu yolla fəaliyyətini bərpa etməyə çalışırdı. Lakin bankların bu istiqamətdə cəhdləri səmərə verməyib və avqustun 11-də Ali Məhkəmə kredit təşkilatlarının əleyhinə qərar qəbul edib.

    "Atrabank"dan fərqli olaraq "Qafqaz İnkişaf Bank"ından gələcək planlarla bağlı açıqlama vermək istəməyiblər.

    Qeyd edək ki, ötən ay lisenziyası ləğv edilmiş 4 bankdan ikisi - "Parabank" və "Dekabank" ASC-lər BOKT-a çevriləcəklərini bəyan ediblər. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi