Yuxarı

ARDNF-in vəsaitlərinin 88,9%-i 3 əsas xarici valyutada yerləşdirilib

Dinlə

Bakı. 16 oktyabr. REPORT.AZ/ Bu il oktyabrın 1-nə olan vəziyyətə görə, Azərbaycan Dövlət Neft Fondunun (ARDNF) investisiya portfeli onun aktivlərinin demək olar ki, 100%-i qədər və 38 975,08 mln. ABŞ dolları təşkil edib.

“Report” Fonda istinadən xəbər verir ki, bu vəsaitin 50%-i elə dollarda, 33,4%-i avroda, 4,9%-i isə ingilis funtsterlinqində yerləşdirilib.

Başqa sözlə, üç əsas xarici valyutanın investisiya portfelində payı 88,9% təşkil edib. Digər valyutalara gəlincə isə, portfeldə Avstraliya dolları 0,6%, Türkiyə lirəsi 0,7%, Rusiya rublu 0,8%, Koreya vonu 0,5%, Çin yuanı 1,2%, Yaponiya yeni 1,5%, digər valyutalar 1,5%, qızıl isə 4,3% paya malikdir.

ARDNF investisiya portfelinin xarici valyutalar və qiymətli metallar üzrə bölgüsü ilə yanaşı, müxtəlif aktivlər üzrə bölgüsünü də açıqlayıb. Beləliklə, Fondun investisiya portfelində istiqrazların və pul bazarı alətlərinin payı 76,4%, səhmlərin payı 14%, daşınmaz əmlakın payı 5,3%, qızılın payı isə bir qədər əvvəl deyildiyi kimi, 4,3% təşkil edib. 

Xatırladaq ki, bu ilin əvvəlindən ARDNF-in aktivləri 9%-ə yaxın artıb

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Bu bölməyə aid digər xəbərlər

Digər xəbərlər>

Xəbər lenti

Son xəbərlər



Orphus sistemi