ARDNF 5 banka 28 mln. dollar satıb

Bakı. 30 mart. REPORT.AZ/ Bu gün Azərbaycan Mərkəzi Bankının təşkil etdiyi hərraca Dövlət Neft Fondu (ARDNF) tərəfindən 100 mln. ABŞ dolları məbləğində vəsait çıxarılıb.

Fonddan "Report"a verilən məlumata görə, bu vəsaitdən 28,35 mln. dollar 5 kommersiya bankına satılıb. Yəni, tələb təklifin 28,4%-i səviyyəsində olub.

"İl ərzində ARDNF tərəfindən hərraclar vasitəsilə valyuta satışı davam etdiriləcək", - deyə məlumatda qeyd olunub.