ARDNF hərracda 49,7 mln. dollar satıb

Bakı. 7 mart. REPORT.AZ/ Bu gün Azərbaycan Mərkəzi Bankı növbəti valyuta hərracı keçirib. Azərbaycan Respublikası Dövlət Neft Fondu (ARDNF) tərəfindən 50 mln. ABŞ dolları məbləğində vəsait hərraca çıxarılıb və bu vəsaitdən 49,7 mln. dolları 28 banka satılıb.

"Report"a bu barədə Fonddan məlumat daxil olub. 

İl ərzində ARDNF tərəfindən hərraclar vasitəsilə valyuta satışı davam etdiriləcək.