Yuxarı
    Bağlamaq

    "Anglo-Asian Mining" kredit borcunun strukturunu dəyişib

    Borc üzrə menecer agent bank isə eyni qalıb

    Bakı. 17 fevral. REPORT.AZ/ Azərbaycanda qızıl hasilatı ilə məşğul olan "Anglo-Asian Mining" şirkəti Hollandiyanın "Amsterdam Trade Bank N.V." (ATB N.V) bankına olan kredit borcunun bir hissəsini "Gazprombank (Switzerland) Ltd." (GPBS) bankına transfer etdiyini bildirib. "Report" xəbər verir ki, Köçürülən kredit borcunun ABŞ dollarında olduğu qeyd olunur.

    Şirkətdən verilən açıqlamaya görə, "Anglo-Asian Mining" 2013-cü ilin oktyabr ayında "ATB N.V" bankından qələviləşdirmə zavodunun tikintisi üçün 37 mln. dollar kredit alıb. Bu kreditin 31 dekabr 2016-cı il tarixinə qalığı 17,3 mln. dollar təşkil edib. "Anglo-Asian Mining" 15 fevral 2017-ci il tarixinə qalıq borcunun yarısının, yəni 8,6 mln. dolların "GPBS" bankına transfer əməliyyatının tamamlandığını açıqlayıb. Kredit şərtlərinin dəyişmədiyi və "ATB N.V" bankının hər iki banka aid olan kredit borcunun idarə olunması üzrə agent qismində iştirak etdiyi qeyd olunub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi