Yuxarı
    Bağlamaq

    Analitiklərin rublun məzənnəsi və Rusiyada inflyasiyanın səviyyəsi ilə bağlı proqnozları pisləşib

    Qonşu ölkədə ümumi daxili məhsulun artımı üzrə proqnoz isə yaxşılaşıb

    Bakı. 1 avqust. REPORT.AZ/ İqtisadçı-ekspertlər Rusiya rublunun məzənnəsi və bu ölkədə qiymət artımının səviyyəsi ilə bağlı proqnozlarını pisləşdirib. 

    "Report" xəbər verir ki, bu, "Reuters" agentliyinin keçirdiyi sorğu nəticəsində üzə çıxıb. 

    Analitiklərin fikrini dəyişməsinə səbəb ABŞ Konqresinin Rusiyaya qarşı yeni sanksiyalar tətbiq etmək barədə qərarının fonunda rublun 2% ucuzlaşması olub. 19 analitik arasında keçirilən sorğunun nəticələrinə görə, bu il Rusiyada inflyasiya 4,2% təşkil edəcək. Ötən ay bu göstərici 4,1% idi. 

    Xatırladaq ki, Rusiya Bankı (Mərkəzi Bank) iyulun 28-də keçirdiyi iclasda uçot dərəcəsini sabit - 9% səviyyəsində saxlayıb. "Nordea Bank" analitiki Denis Davıdova görə, Rusiya Bankının bu qərarı məntiqlidir: "Qeyri-müəyyənliklər geosiyasi riskləri artırır".

    Analitiklər ilin sonuna qədər Rusiyada uçot dərəcəsinin 8,25%-ə enəcəyini proqnozlaşdırır. Yaxın 1 ildə rublun məzənnəsi üzrə proqnoz da mənfi istiqamətdə artırılıb. Belə ki, yaxın 1 il ərzində Rusiyada dolların qiymətinin 58,5 rubl deyil, 61 rubl olacağı gözlənilir. Analitiklər Rusiyanın 2017- ci ildə ümumi daxilin məhsulun (ÜDM) artımı proqnozunu isə 1,3%-dən 1,4%-ə çatdırıblar. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi