Yuxarı
    Bağlamaq

    AMB valyuta və depozit hərraclarını da "Bloomberg" platformasına keçirib

    Bloomberg hərrac platforması hazırda Mərkəzi Bank tərəfindən həmin pul siyasəti əməliyyatları üzrə vahid platforma rolunu oynayır© Report.az

    Bakı. 6 iyul. REPORT.AZ/ Azərbaycan Mərkəzi Bankı (AMB) valyuta və depozit hərraclarını "Bloomberg" hərrac platforması vasitəsilə həyata keçirir. 

    “Report”un AMB-yə istinadən verdiyi xəbərə görə, "Bloomberg" hərrac platforması əvvəllər yalnız qiymətli kağızlarla alqı-satqı və repo əməliyyatların aparılmasını dəstəkləyirdisə, AMB-nin təşəbbüsü ilə platformaya valyuta ("spot" və "forvard") və depozit hərraclarının təşkil edilməsi imkanı da əlavə edilərək təkmilləşdirilib.

    "Özünün çevik hərrac üsulları ilə valyuta və depozit hərraclarının təşkil edilməsi sahəsində qabaqcıl texnologiyalarını təqdim edən "Bloomberg" hərrac platforması hazırda Mərkəzi Bank tərəfindən həmin pul siyasəti əməliyyatları üzrə vahid platforma rolunu oynayır", - deyə AMB-dən bildirilib.

    Qeyd edək ki, "Bloomberg"in çoxtərəfli (multi-asset) hərrac platforması bazar iştirakçılarına Mərkəzi Bankın hərraclarını izləmək və hərraclarda iştirak etmək imkanını yaradır. Bu, bazar iştirakçıları üçün depozit, valyuta, repo və notların yerləşdirilməsi üzrə hərracların təşkil edilməsinə imkan verən geniş funksionallıqlar dəstinin tərkib hissəsidir. Hərrac məlumatları avtomatik şəkildə "Bloomberg"in FX Elektron Treydinq Platformasına (FXGO) ötürülür. "Bloomberg" Peşəkar Xidmətləri (Bloomberg Professional Services) abunəçiləri üçün əlçatan olan bu sistem "Bloomberg"in statistik məlumat, xəbərlər, analitika və kommunikasiya funkionallıqlarına tam inteqrasiya olunub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi