AMB sədri: "Beynəlxalq Reytinq agentliklərinin Azərbaycanla bağlı reytinqi ədalətli deyil"

Bakı. 1 avqust. REPORT.AZ/ "Beynəlxalq Reytinq agentliklərinin ("Standard and Poors") Azərbaycanla bağlı reytinqi ədalətli deyil. Onlar ölkənin mövcud iqtisadi durumunu düzgün qiymətləndirmir".

"Report"un verdiyi xəbərə görə, bunu Azərbaycan Mərkəzi Bankının (AMB) sədri Elman Rüstəmov bu gün keçirilən mətbuat konfransında bildirib.

"Reytinqimizi yaxşılaşdırmaq potensialımız var. Bunu reallaşdırmağa hazır olmalıyıq. Bizim birgə iş reytinqin addım-addım yaxşılaşmasına və onun investisiya reytinqinin bərpasına səbəb olacaq",- E.Rustəmov vurğulayıb.