AMB-nin yeni not emissiyası dövlət qeydiyyatına alınıb

Bakı. 11 aprel. REPORT.AZ/ Maliyyə Bazarlarına Nəzarət Palatası (MBNP) Azərbaycan Mərkəzi Bankının (AMB) yeni not emissiyasını (50100656S) dövlət qeydiyyatına alıb.

“Report” Palataya istinadən xəbər verir ki, emissiya hər birinin nominal dəyəri 100 manat olan 250 000 ədəd dövlət qısamüddətli notun dövriyyəyə buraxılmasını nəzərdə tutur.

Qiymətli kağızların tədavül müddəti 28 gündür.