AMB-nin valyuta ehtiyatları yenidən artıb

Bakı. 1 mart. REPORT.AZ/ Azərbaycan Mərkəzi Bankının (AMB) valyuta ehtiyatları bu il martın 1-nə 4 369,3 mln. ABŞ dolları təşkil edib.

“Report” AMB-yə istinadən xəbər verir ki, bu, 1 ay əvvəllə müqayisədə 42,1 mln. dollar və yaxud 0,97% çoxdur.

İlin əvvəlinə nisbətən qurumun valyuta ehtiyatları 394,9 mln. dollar və yaxud 9,94%, son 1 ildə isə 343 mln. dollar və yaxud 8,52% artıb.