Yuxarı

AMB-nin notları ilə bağlı hərracda tələb təklifi 2 dəfə üstələyib

Notların rəqabətli sifarişlər üzrə kəsmə və ortaölçülmüş qiyməti 99,0749 manat olub

Bakı. 11 yanvar. REPORT.AZ/ Bu gün Bakı Fond Birjasında (BFB) Azərbaycan Mərkəzi Bankının (AMB) dövlət qeydiyyatından keçmiş, ümumi həcmi 5 mln. manat, hər birinin nominal dəyəri 100 manat, tədavül müddəti 28 gün olan qısamüddətli notlarının (50100253S) yerləşdirilməsi üzrə hərrac keçirilib. 

Bu barədə “Report” BFB-dən bildirilib.

Məlumata görə, hərraca iki investor tərəfindən iki sifariş təqdim edilib. Sifarişlərin nominal üzrə ümumi məbləği 10 mln. manat olub. Sifarişlər 98,8475 manat (14,9906%)-99,0749 manat (12,0052%) qiymət intervalında təqdim edilib. Notların rəqabətli sifarişlər üzrə kəsmə və ortaölçülmüş qiymətini 99,0749 manat (12,0052%) olmaqla AMB müəyyən edib. Bağlanılmış əqdlər üzrə hesablaşmalar bu gün həyata keçirilib. Notların nominal üzrə reallaşdırılmış həcmi 5 mln. manat olub. 

Qeyd edək ki, qiymətli kağızların ödəmə tarixi 8 fevral 2017-ci ildir. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi