Bakı. 18 dekabr. REPORT.AZ/ Bu gün Azərbaycan Mərkəzi Bankı (AMB) vəsaitlərin cəlb edilməsi üzrə növbəti depozit hərracı keçirib.
“Report” AMB-yə istinadən xəbər verir ki, hərracda 180,1 mln. manat cəlb edilib.
Qeyd edək ki, hərracda təklif 200 mln. manat (tələb təklifdən 9,95% az) olub. Hərracın nəticəsində bağlanılmış depozit əqdləri üzrə orta ölçülmüş faiz dərəcəsi isə illik 13,34% təşkil edib.