Yuxarı
    Bağlamaq

    AMB hərraca çıxardığı notların 67%-ni satıb

    ​Qurumun qiymətli kağızlarına cəmi 2 investordan 2 sifariş daxil olub

    Bakı. 14 dekabr. REPORT.AZ/ Bu gün Bakı Fond Birjasında (BFB) Azərbaycan Mərkəzi Bankının (AMB) 50100652S nömrəsi ilə saylı dövlət qeydiyyatından keçmiş, ümumi həcmi 75 mln. manat, hər birinin nominal dəyəri 100 manat, tədavül müddəti 28 gün olan qısamüddətli notlarının yerləşdirilməsi üzrə hərrac keçirilib.

    Bu barədə "Report"a BFB-dən bildirilib.

    Məlumata görə, hərraca 2 investor 2 sifariş təqdim edib. Sifarişlərin nominal üzrə ümumi məbləği 50 583 100 manat təşkil edib ki, bu da AMB-nin satmaq istədiyi notların 67,44%-dir. Sifarişlər 98,8472 manat (14,9945%) qiyməti ilə təqdim edilib. Notların rəqabətli sifarişlər üzrə kəsmə və orta ölçülmüş qiyməti AMB tərəfindən 98,8472 manat (14,9945%) səviyyəsində müəyyən olunub.

    Bağlanılmış əqdlər üzrə hesablaşmalar bu gün həyata keçirilib. Notların nominal üzrə reallaşdırılmış həcmi 50 583 100 manat məbləğində müəyyən edilib.

    Qiymətli kağızların ödəmə tarixi 11 yanvar 2017-ci ildir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi