Yuxarı
    Bağlamaq

    AİF 100 mln. manatlıq istiqraz buraxır

    Bunun 25 mln. manatlıq hissəsi sentyabrın 8-də satışa çıxarılacaq

    Bakı. 5 sentyabr. REPORT.AZ/ Sentyabrın 8-də Bakı Fond Birjasında (BFB) "Azərbaycan İpoteka Fondu" ASC-nin (AİF) 25 mln. manatlıq adlı, sənədsiz, faizli ipoteka istiqrazlarının yerləşdirilməsi üzrə hərrac keçiriləcək.

    “Report” AİF-ə istinadən xəbər verir ki, istiqrazlar 1 000 manat qiymətlə satışa çıxarılacaq.

    Xatırladaq ki, Maliyyə Bazarlarına Nəzarət Palatası AİF-in istiqrazlarının baza emissiya prospektini avqustun 16-da dövlət qeydiyyatına alıb. Emissiyanın ümumi həcmi 100 mln. manat, bir istiqrazın nominal dəyəri 1 000 manat, ilik faiz dərəcəsi 3% təşkil edir.

    Baza emissiya prospektinə əsasən, yerləşdirmə kütləvi təklif üsulu ilə həyata keçiriləcək. Depozitari və Sərəncamçı xidmətlərini Milli Depozit Mərkəzi göstərəcək. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi