Yuxarı

​"AGBank" filialdakı yanğınla bağlı açıqlama yayıb

Yanğınla əlaqədar olaraq müştərilərin hələlik digər filiallara müraciət etməsi xahiş olunur

Bakı. 13 yanvar. REPORT.AZ/ "AGBank" ASC-nin "Elmlər" filialında bu gün baş vermiş yanğınla əlaqədar olaraq müştərilərin hələlik digər filiallara müraciət etməsi xahiş olunur. 

"Report"un Banka istinadən verdiyi xəbərə görə, hazırda filialda xırda təmir işləri aparılır və qısa vaxt ərzində başa çatması nəzərdə tutulub: "AGBank" yaranan narahatçılığa görə filial müştərilərindən üzr istəyir və müvəqqəti olaraq bankın digər filiallarına müraciət etməyi xahiş edir".

Qeyd edək ki, yanvarın 13-də səhər saatlarında qısa qapanma nəticəsində "AGBank" ASC-nin “Elmlər” filialında yanğın baş verib. Lakin bankın əməkdaşları və yanğınsöndürmə xidmətinin təcili müdaxiləsi nəticəsində xoşagəlməz hadisə ətrafa güclü ziyan vurmayıb. Server və kassa şəbəkəsi işlək vəziyyətdədir. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi