Yuxarı

ADIF-də Dünya Bankının nümayəndə heyəti ilə əmanətlərin sığortalanması sistemində islahatlar müzakirə edilib

Bakı. 16 may. REPORT.AZ/ Əmanətlərin Sığortalanması Fondunda (ADİF) Dünya Bankının Maliyyə Sektorunun Müasirləşdirilməsi Layihəsinin ikinci fazasının həyata keçirilməsi çərçivəsində Bakıda səfərdə olan nümayəndə heyəti ilə görüş keçirilib.

"Report" bu barədə ADİF-ə istinadən xəbər verir.

İcraçı direktorun müavini, İcraçı direktor vəzifəsini müvəqqəti icra edən Vüqar Abdullayev Dünya Bankının maliyyə sektoru üzrə baş mütəxəssisi Anjela Priqojina ilə görüş zamanı əmanətlərin sığortalanması sistemində son dövrdə aparılan islahatlar, ləğvetmə prosesinin daha effektiv, şəffaf və sürətli keçirilməsi istiqamətində atılan addımlar, o cümlədən qorunan əmanətlər üzrə ödənişlərin ilk dəfə olaraq nağdsız qaydada ödənilməsi, ƏSF-nin "Elektron hökumət" portalında göstərilən elektron xidməti, mərkəzləşdirilmiş sisteminin qurulması üzrə aparılan işlər, bankların ləğvetmə prosesi üzrə normativ-hüquqi bazanın təkmilləşdirilməsi, Fondun təşkilati strukturunun optimallaşdırılmasını qeyd edib.

Eyni zamanda görüşdə layihə üzrə görüləcək işlər barədə müzakirələr aparılaraq tədbirlər planının çərçivəsi müəyyənləşdirilib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi