Yuxarı

​ABŞ kommersiya banklarını Rusiya istiqrazlarını almaqdan çəkindirir

Rusiya 3 mlrd. dollarlıq beynəlxalq istiqraz buraxmağı düşünür

Bakı. 25 fevral. REPORT.AZ/ ABŞ hökuməti ölkədəki bankları Rusiyanın dövlət istiqrazlarını almaqdan imtina etməyə çağırıb. "Report"un "The Wall Street Journal"a istinadən verdiyi xəbərə görə, bu təklif rəsmi Moskvaya qarşı olan sanksiyalarla əlaqələndirilir. Qeyd edək ki, Vaşinqton imtina çağrısını əsasən ölkənin böyük banklarına edib.

ABŞ hökumətinin banklardan bu istəyi Rusiyanın sanksiyaların tətbiqindən sonra 2016-cı ildə ilk dəfə 3 mlrd. dollar həcmində beynəlxalq istiqrazların emissiyasına hazırlaşması ilə bağlıdır. Rusiya Avropa, Amerika və Çin banklarını istiqrazları almağa dəvət edib. Bunların arasında ABŞ-ın "Bank of Amerika", "Citigroup", "Goldman Sachs", "J.P. Morgan Chase & Co." və "Morgan Stanley" bankları da yer alıb. 

ABŞ-ın Maliyyə Nazirliyi və Dövlət Departamenti adıçəkilən banklardan istiqrazların alınması üçün daxil olan icazə müraciəti xüsusi xəbərdarlıqla cavablandırılıb. Rəsmi Vaşinqton hesab edir ki, bankların bu müraciəti Moskvaya qarşı sanksiyalara ziddir. "Avropa, Amerika və bütün dünya anlamalıdır ki, Rusiya yüksək riskə sahib olan olkədir və Ukraynada stabilliyi pozduğu müddətdə bu, belə qalacaq. Rusiya ilə hər hansı biznes əlaqələrinin bərpası reputasiyanın itirilməsinə gətirib çıxara bilər", - deyə Dövlət Departamentindən bildirilib. Artıq "Citigroup" istiqrazların alınmasından imtina edib. Digər bankların da Rusiya dövlət qiymətli kağızlarını almayacağı proqnozlaşdırılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi