Yuxarı

ABŞ-da mühüm iqtisadi göstəricilər açıqlanıb

Bu gün FES rəhbəri C.Yellenin önəmli açıqlamaları gözlənilir

Bakı. 14 oktyabr. REPORT.AZ/ ABŞ-da bu gün bir sıra önəmli iqtisadi göstəricilər açıqlanıb. "Report"un verdiyi xəbərə görə, ABŞ-da pərakəndə satışın baza indeksi aylıq müqayisədə 0,4% artım proqnozuna qarşı sentyabrda faktiki olaraq 0,5% artıb, istehsalçı qiymətləri indeksi isə 0,2% proqnoza qarşı 0,3% artıb. Bundan başqa, pərakəndə satışın həcmi proqnoza uyğun olaraq 0,6% genişlənib.

Açıqlanan bu göstəricilər ABŞ iqtisadiyyatında müsbət inkişaf trendinin davam etdiyini göstərir. Bu da bu gün axşam Bakı vaxtı ilə saatı 21:30-da Federal Ehtiyat Sisteminin (FES) rəhbəri Canet Yellenin uçot dərəcəsinin artırılması ilə bağlı çıxışı öncəsi stimullaşdırıcı amil olub.

Göstəricilərin açıqlanmasından sonra dollar digər valyutalarla müqayisədə bir qədər də möhkəmlənib. Əsas valyuta cütlüyü sayılan USD/EUR 1,1020 səviyyəsindən 1,0995-ə qədər geriləyib. 

"Report"un analitik qrupu dolların məzənnəsinin C.Yellenin axşamkı çıxışından sonra əsaslı şəkildə güclənə biləcəyini proqnozlaşdırırlar.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi