ABŞ-Çin ticarət müharibəsi dolları ucuzlaşdırıb

Bakı. 4 aprel. REPORT.AZ/ ABŞ-la Çin arasında gedən ticarət müharibəsi dolların məzənnəsinə mənfi təsir edib. 

“Report” bu barədə xarici mətbuata istinadən xəbər verir.

Məlumata görə, Çin hökumətinin ABŞ istehsalı olan 106 məhsula gömrük rüsumu tətbiq ediləcəyi ilə bağlı açıqlamasından sonra Amerika valyutası dünyanın digər aparıcı valyutaları qarşısında ucuzlaşıb. USD/EUR nisbəti 0,2% artaraq 1,2291-ə çatıb, JPY/USD nisbəti isə 0,3% azalaraq 106,22-yə düşüb.