Bakı. 29 mart. REPORT.AZ/ Azərbaycan Beynəlxalq Bankının (ABB) Rusiyadakı törəmə qurumu olan "ABB-Moskva" nizamnamə kapitalını 2,053 mlrd. rubl artıracaq. Bu qərarı Azərbaycan Beynəlxalq Bankı qəbul edib.
"Report"un Banka istinadən verdiyi xəbərə görə, nizamnamə kapitalının artırılması ABB-nin qeyd olunan həcmdə əlavə vəsait qoyuluşu hesabına həyata keçiriləcək. Rusiya Mərkəzi Bankının məzənnəsi ilə 30 mln. dollar ekvivalentində olan nizamanə kapitalının artırılması ilə ABB-nin Moskvadakı törəmə bankında səhmin nominal dəyəri də artacaq.
Əlavə vəsait ödənişi qərar qəbulundan etibarən 6 ay müddətində reallaşdırılmalıdır. Ödəniş ABŞ dolları ilə həyata keçiriləcək.
Qeyd edək ki, hazırda "ABB-Moskva"nın nizamnamə kapitalı təxminən 2,110 mlrd. rubl təşkil edir. Əlavə emissiya hesabına nizamnamə kapitalı 4,2 mlrd. rubla çatdırılacaq.