ABB bankomatlarının sayını artırıb

Bakı. 10 dekabr. REPORT.AZ/ Bu il "Azərbaycan Beynəlxalq Bankı" ASC (ABB) bankomatlarının sayını 8 ədəd artıraraq 760-a çatdırıb. Bu barədə "Report" Banka istinadən xəbər verir. 

Əvəzində ABB-nin POS-terminallarının sayı 46 ədəd azalaraq 10 961-ə düşüb. 

Xatırladaq ki, ABB 1992-ci ildə yaradılıb. Onun nizamnamə kapitalı 641 287 247,85 manatdır. Bankın səhmlərinin 54,96%-i Azərbaycan hökuməti adından çıxış edən Maliyyə Nazirliyinə, 27,26%-i "Aqrarkredit"ə, 17,78%-i isə qeyri-dövlət müəssisələri və fiziki şəxslərə məxsusdur.