Yuxarı
    Bağlamaq

    A​DB "Cənub Qaz Dəhlizi" üçün 1,5 mlrd. dolların ayrılması məsələsinə iyulda baxacaq

    Bank: Əsas məqsəd Azərbaycanın qaz satışından gəlirlərinin artmasına dəstək olmaqdır

    Bakı. 6 may. REPORT.AZ/ Azərbaycan “Şahdəniz-2” və "Cənub Qaz Dəhlizi" (SGC) layihələri çərçivəsində Asiya İnkişaf Bankını (ADB) əsas investorlar siyahısında görməyə hazırdır. “Report” xəbər verir ki, bu barədə Bankın rəsmi saytında məlumat dərc edilib.

    Bank elan edib ki, bu iki layihənin icrası çərçivəsində çoxtranşlı maliyyələşmə (MFF) üçün ADB 1,505 mlrd. ABŞ dolları həcmində vəsaitin ayrılması məsələsinə baxa bilər.

    Bu plan dövlətin 16,67%-lik iştirak payının maliyyələşdirilməsi üçün kommersiya banklarına dəstək məqsədilə qismən kredit zəmanətinin verilməsini nəzərdə tutur. Eyni zamanda bildirilir ki, proqram hələ təqdim olunmayıb: “İyunun 15-24-də ADB-nin missiyası MFF-lə bağlı faktları toplayacaq. Bankın menecmenti onu iyulun 4-də nəzərdən keçirəcək, Direktorlar Şurası isə məsələyə avqustun 22-də baxacaq”.

    İnvestisiya planının əsas məqsədi Azərbaycanın fiskal movqeyinin möhkəmlənməsinə və qaz satışı vasitəsilə gəlirlərinin artmasına dəstək olmaqdır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi