Yuxarı

100 dollarlıq əsginaslar tədavüldən yığışdırıla bilər

500 avroluq əsginasların da yığışdırılması mümkündür

Bakı. 17 fevral. REPORT.AZ/ ABŞ-ın keçmiş maliyyə naziri Larri Sammers 100 dollarlıq əsginasları korrupsiya və cinayətkarlıqla mübarizə məqsədilə tədavüldən yığışdırmaq təklifini irəli sürüb. Bu barədə "Report" "The Washington Post" qəzetinə istinadən xəbər verir.

Sammers, həmçinin qeyd edib ki, tədavüldən 500 avroluq əsginaslar da toplanmalıdır. O, Harvard universitetinin "Biznes və idarəetmədə problemlərin öyrənilməsi " mərkəzinin araşdırmalarına istinadən bildirib ki, 1 milyon dollar nağd vəsaitin 500 avroluq əsginaslarla çəkisi 1 kiloqramdan az olduğu üçün bu məbləği daşımaq və ötürmək çox asandır. Amma, bu məbləğ 20 dollarlıq əsginaslarla olsaydı çəkisi 20 kiloqrama yaxın olacaqdı. Eks-nazirin fikrincə ABŞ və Avropa İttifaqı 100 dollar və 500 avroluq əsginasların tədavüldən qaldırılması üçün anlaşmalıdırlar.

Qeyd edək ki, Avropa Mərkəzi Bankının (ECB) rəhbəri Mario Draqi fevralın 15-də terrorizmin maliyyələşməsi və vergidən yayınmanın aradan qaldırılması məqsədilə 500 avroluq əsginasların tədavüldən yığışdırılması fikrini söyləyib.

"Report"un analitik qrupu hesab edir ki, bu hər iki pul vahidi üzrə adı çəkilən əsginasların tədavüldən yığışdırılması fikirləri sadəcə nağd pul vəsaitlərinin hazırkı böhran situasiyasında iqtisadiyyata axmasını təmin etmək məqsədi daşıyır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi