Vüqar Gülməmmədov: "Məxfi auditlərin nəticələrini açıqlamırıq"

Hesablama Palatası məxfilik rejiminə əməl olunmaqla keçirdiyi auditlərin nəticələrini açıqlamır.

Bunu "Report"un sualını cavablandıran Palatanın sədri Vüqar Gülməmmədov bildirib.

O, kənar dövlət maliyyə nəzarəti tədbirlərinin nəticələrinin kütləvi informasiya vasitələrində işıqlandırılması üzrə hədəfin 100 % deyil, 63 % olmasına aydınlıq gətirib.

“Nəzarət tədbirləri üzrə nəticələrin tam verilməməsinin digər səbəbi pozuntuların məbləğinin əhatə edilmiş məbləğə nisbətdə çox olmaması və fərqli xarakter daşımaması ilə bağlıdır”, - deyə V.Gülməmmədov əlavə edib.