“Vijn Fond Azərkredit” BOKT-un rəhbərliyi dəyişib

Bakı. 18 sentyabr. REPORT.AZ/ “Vijn Fond Azərkredit” MMC bank olmayan kredit təşkilatına (BOKT) direktor əvəzi təyin edilib.

“Report” xəbər verir ki, bu, Anar Şahbazovdur.

O, yeni vəzifəsində Samir Cəfərlini əvəz edib.

Xatırladaq ki, “Vijn Fond Azərkredit” 1996-cı ildə yaradılıb. Onun nizamnamə kapitalı 303867 manatdır. BOKT-un təsisçiləri ABŞ-ın “Vision Fund İnternational” təşkilatı (52%), Lüksemburqun “Rural Impulse FUND II S.A., SICAV-SIF” təşkilatı (24%) və Niderlandın “ASN Belegginsinstellingen Baheer B.V.” təşkilatıdır (24%). 

“Vijn Fond Azərkredit”in 2016-cı ilin yekunu ilə bağlı açıqladığı maliyyə hesabatına əsasən, BOKT-un öhdəlikləri aktivlərini üstələyib.