Vergilər naziri Quba rayonunda vətəndaşları qəbul edəcək

Vergilər naziri Quba rayonunda vətəndaşları qəbul edəcək
Maliyyə
505
5 Mart , 2018 10:52
Vergilər naziri Quba rayonunda vətəndaşları qəbul edəcək
Vergilər naziri Mikayıl Cabbarov / Report

Bakı. 5 mart. REPORT.AZ/ Vergilər naziri Mikayıl Cabbarov martın 9-da, saat 11:00-də Quba rayonunda bu regiondan olan vətəndaşları qəbul edəcək. 

“Report” Vergilər Nazirliyinə istinadən xəbər verir ki, qəbul Quba şəhər,i Yeni körpü 1 ünvanında yerləşən 3 saylı Ərazi Vergilər İdarəsinin inzibati binasında keçiriləcək.

Qəbulda Quba, Qusar, Xaçmaz və Şabran rayon sakinləri iştirak edə bilərlər. 

Qəbula gəlmək istəyən vətəndaşlar 5-8 mart tarixlərində adı çəkilən Ərazi Vergilər İdarəsinə, Qusar, Xaçmaz və Şabran rayonlarında isə vergi ödəyicilərinə xidmət mərkəzlərinə müraciət etməklə, eləcə də Vergilər Nazirliyinin 195-1 Çağrı Mərkəzinə zəng etməklə və yaxud nazirliyin office@taxes.gov.az elektron poçt ünvanına yazmaqla qeydiyyatdan keçə bilərlər.

"Qeydiyyatdan keçmiş vətəndaşlardan xahiş olunur ki, qəbula gələrkən aidiyyəti məsələləri dolğun ifadə edən ərizə ilə müraciət etsinlər", - deyə məlumatda qeyd edilib.