Venesuela ödəmələrdə Türk lirəsi istifadə etməyə başlayacaq

Bakı. 5 oktyabr. REPORT.AZ/ Venesuela Türkiyə ilə ticarət əlaqələrində valyuta ilə bağlı yaranan çətinlikləri aradan qaldırmaq üçün pul transferinin asanlaşdırılması üçün razılığa gələcək.

“Report”un Türkiyə mətbuatına istinadən verdiyi xəbərə görə, bu barədə Venesuelanın xarici ölkələrlə iqtisadi əməkdaşlığına cavabdeh olan xarici işlər nazirinin müavini Ramon Gordils məlumat verib.

O, əsasən, mədənçilik və inşaat olmaqla bir çox sahələrdə Türkiyə şirkətləri ilə əməkdaşlıq etmək istədiklərini bildirib. R.Gordils Venesuela prezidenti Maduronun Türkiyəyə səfəri zamanı ticarət anlaşması imzalanacağını da qeyd edib.