"Unibank"ın səhmdarlarının yığıncağı keçiriləcək

Bakı. 24 noyabr. REPORT.AZ/ "Unibank" ASC-nin səhmdarlarının bu il dekabrın 2-də növbədənkənar ümumi yığıncağı keçiriləcək. 

"Report" xəbər verir ki, yığıncaq bankın Bakı şəhəri, Rəşid Behbudov küçəsi, 55 ünvanında yerləşən baş ofisində baş tutacaq.

Yığıncaqda xüsusi əhəmiyyətli əqd və "Unibank"ın idarəetmə orqanları haqqında məsələlər müzakirə ediləcək.

Xatırladaq ki, "Unibank" 2002-ci ildə Azərbaycanın iki kommersiya bankı - 1992-ci ildən fəaliyyət göstərən "Mbank" və 1994-cü ildən möcvud olan "Promtexbank"ın birləşməsi ilə yaradılıb. Onun nizamnamə kapitalı 70 565 232 manatdır. Bankın səhmlərinin 56,91%-i Eldar Mahmud oğlu Qəribova (Müşahidə Şurasının sədri), 12,15%-i Avropa Yenidənqurma və İnkişaf Bankına (EBRD), 6,68%-i Almaniyanın "DEG" investisiya şirkətinə, 4,41%-i Zemfira Mirzə qızı Cəfərovaya, 19,85%-i isə digər fiziki və hüququ şəxslərə, minoritar səhmdarlara məxsusdur.