"Unibank"ın nizamnamə kapitalı artır

"Unibank"ın nizamnamə kapitalı artır Bank səhmlərini kütləvi tədavülə buraxmağa hazırlaşır
Maliyyə
101
14 Dekabr , 2017 09:18
Unibankın nizamnamə kapitalı artır
Report

Bakı. 14 dekabr. REPORT.AZ/ "Unibank" ASC səhmlərini kütləvi tədavülə buraxmağa hazırlaşır.

“Report”un əldə etdiyi məlumata görə, investorlara hər birinin nominal dəyəri 2,72 manat olan 3 676 471 ədəd (10 000 001,12 manatlıq) yeni adi adlı, sənədsiz səhm təklif olunacaq.

Qiymətli kağızlara abunə yazılışı dekabrın 22-nə qədər davam edəcək və bundan sonra onlar kütləvi təklif üsulu ilə Bakı Fond Birjasında yerləşdiriləcək. Bununla belə, bank mövcud səhmdarlarının bu prosesdə üstünlük hüququnu tanıyıb.

Prosesin anderrayteri “Unicapital İnvestisiya Şirkəti” ASC-dir. Səhmlərin hamısı satılsa, "Unibank"ın nizamnamə kapitalı 8,36% artaraq 119 686 326,72 manatdan 129 686 327,84 manata yüksələcək.

Xatırladaq ki, "Unibank" ASC 2002-ci ildə Azərbaycanın iki kommersiya bankı - 1992-ci ildən fəaliyyət göstərən "Mbank" və 1994-cü ildən mövcud olan "Promtexbank"ın birləşməsi ilə yaradılıb. Hazırda Bankın dövriyyədə hər birinin nominal dəyəri 2,72 manat olan 44 002 326 ədəd səhmi var. Səhmlərin 41,906%-i Eldar Qəribova (Müşahidə Şurasının sədri), 2,5993%-i Zemfira Cəfərovaya, 19,4133%-i Avropa Yenidənqurma və İnkişaf Bankına, 24,3668%-i Almaniyanın DEG investisiya və inkişaf cəmiyyətinə, 7,9815%-i adları açıqlanmayan qeyri-rezident hüquqi şəxslərə, 2,2953%-i adları açıqlanmayan qeyri-rezident fiziki şəxslərə, 1,4378%-i isə yerli minoritar səhmdarlara məxsusdur.

Son xəbərlər

Orphus sistemi