Ukrayna bank sektoru 2016-cı ili rekord zərərlə tamamlayıb

Bakı. 7 fevral. REPORT.AZ/ Ukraynada fəaliyyət göstərən kommersiya  bankları 2016-cı ili rekord həcmdə - 5,8 mlrd. ABŞ dolları həcmində zərərlə başa vurub. 

"Report"un "Rambler News Service"ə istinadən verdiyi xəbərə görə, bu barədə Ukrayna Mərkəzi Bankı (NBU) Maliyyə sabitliyi Departamentinin rəhbəri Vitaliy Vavrişuk məlumat verib: "Bank sektorunun rekord - 159 mlrd. qriven həcmində zərəri "Privatbank"ın kredit portfelinə ayrılan ehtiyatlar səbəbindən baş verib".

V.Vavrişuk həmçinin NBU-nun 2017-ci ildə bank sektorunun mənfəətə keçəcəyini ehtimal etdiyini deyib.