“Tesla”nın bazar dəyəri 100 milyard dolları ötüb

Yanvarın 21-də ABŞ-ın elektrikli avtomobil istehsalçısı “Tesla”nın bazar dəyəri 100 milyard dolları ötüb. 

"Report" xarici mətbuata istinadən xəbər verir ki, bu, şirkətin səhmlərinin qiymətinin 7,2% artaraq 555,1 dollara çatması hesabına baş verib. 

Bu gün isə sözügedən qiymətli kağızlar 1,4% bahalaşıb. 

Əgər "Tesla" 100 milyard dollarlıq göstəricini qoruyub-saxlaya bilsə, şirkətin rəhbəri Elon Musk 346 milyon dollar mükafat alacaq.