Bakı. 8 noyabr. REPORT.AZ/ Tailandın Baş nazir müavini Visanu Kre Nqam ölkədə kriptovalyutalara daha sərt nəzarət olunmasına çağırıb.
“Report” RBK-a istinadən xəbər verir ki, ölkə rəhbərliyinin qənaətincə, rəqəmli pullar sahəsindəki mövcud tənzimləmə tədbirləri sənayenin inkişafını dəstəkləmək, istifadəçiləri cinayətlərdən qorumaq üçün kifayət etmir.
Baş nazir müavini sözügedən sahədəki yeni cərəyanlarla ayaqlaşmaq, istehlakçıların mənafelərini qorumaq üçün istər ölkə daxilində, istərsə də xaricdə yeni qaydalar tətbiq etməyin vacibliyini vurğulayıb.