SKMF bağlanmış banklarla bağlı MBNP-yə və ADIF-ə müraciət edəcək

Bakı. 6 mart. REPORT.AZ/ İqtisadiyyat Nazirliyi yanında Sahibkarlığa Kömək Milli Fondunun (SKMF) müvəkkil kredit təşkilatları arasında bir neçə bağlanmış bank var.

“Report” xəbər verir ki, bu barədə jurnalistlərə açıqlamasında fondun icraçı direktoru Şirzad Abdullayev məlumat verib.

Onun sözlərinə görə, həmin bankların maliyyələşdirdiyi layihələrin digər banklara ötürülməsi üçün Maliyyə Bazarlarına Nəzarət Palatasına (MBNP) və Azərbaycan Əmanətlərin Sığortalanması Fonduna müraciət ediləcək.