Şahmar Mövsümov: "ABB-nin yeni strategiyasının Şuşada müzakirəsi xüsusi önəm kəsb edir”

Şahmar Mövsümov: "ABB-nin yeni strategiyasının Şuşada müzakirəsi xüsusi önəm kəsb edir” Azərbaycan Beynəlxalq Bankının (ABB) Müşahidə Şurası növbəti iclasını Şuşada keçirib.
Maliyyə
128
27 Noyabr , 2021 17:41
Şahmar Mövsümov: ABB-nin yeni strategiyasının Şuşada müzakirəsi xüsusi önəm kəsb edir”

Azərbaycan Beynəlxalq Bankının (ABB) Müşahidə Şurası növbəti iclasını Şuşada keçirib.

"Report" bu barədə banka istinadən xəbər verir.

Məlumatda həmçinin bildirilir ki, bankın İdarə Heyəti ilə birgə Şuşadakı “Qarabağ” otelinin konfrans zalında təşkil edilmiş toplantıda Bankın cari inkişaf strategiyasının icrasına baxılıb, əldə olunmuş nəticələr dəyərləndirilib.

İclasda ABB-nin 2022-2025-ci illər üzrə yeni strateji hədəfləri də təqdim olunub. Növbəti strateji dövrə dair məsələlərin müzakirəsi aparılıb.

“Torpaqlarımızın azad edilməsi ilə Azərbaycanın yeni inkişaf mərhələsi başlanıb. Bu ərəfədə ABB-nin yeni strategiyasının da Şuşa şəhərində müzakirəsi xüsusi önəm kəsb edir”, - ABB-nin Müşahidə Şurasının sədri Şahmar Mövsümov bildirib.

Xatırladaq ki, ABB 1992-ci ildə yaradılıb. Onun nizamnamə kapitalı 1 milyard 241,287 milyon manatdır. Bankın səhmlərinin 91,4 %-i Maliyyə Nazirliyinə, 3,76 %-i İqtisadiyyat Nazirliyi yanında Əmlak Məsələləri Dövlət Xidmətinə, 0,13 %-i “Aqrarkredit” QSC bank olmayan kredit təşkilatına, 4,71 %-i isə fiziki və hüquqi şəxslərə məxsusdur.

Son xəbərlər

Orphus sistemi